Plantun de Prouvènço

Pèr coumpara dos planto d'encò nostre

Beta vulgaris & Scrophularia vernalis

Bledo

Beta vulgaris

Amaranthaceae Chenopodiaceae

Àutri noum : Bleto, Blet, Orto, Erbeto.

Noms en français : Betterave maritime, Poirée.

Descripcioun :
La bledo trachis proche de la mar (subsp. maritima), pamens s'atrobo souvènti-fes dins lis erme e lis escoumbre e aqui èi pas toujour eisa de saupre s'es aquelo de la mar vo aquelo dis ort (subsp. vulgaris). De tout biais s'avès deja manja de bledo, aurés pas de mau à la recounèisse à si fueio.

Usanço :
La bledo fèro fai parti di planto culido e manjado cuecho li mai couneigudo. S'en pòu faire de tian de touto meno. S'emplego peréu pèr gari li plago e lis poustèmo (acamp).

Port : Erbo
Taio : Pancaro entresigna
Fueio : basalo
Tipe bioulougico : Pancaro entresigna
Cicle bioulougico : Pancaro entresigna

Gènre : Beta
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Mar - Champ - Escoumbre e proche dis oustau
Estànci : Pancaro entresigna
Couroulougi : Pancaro entresigna
Ref. sc. : Beta vulgaris L., 1753

Erbo-dis-escrolo(-dóu-printèms)

Scrophularia vernalis

Scrophulariaceae

Nom en français : Scrofulaire de printemps.

Descripcioun :
L'erbo-dis-escrolo-dóu-printèms se rescontro dins lis esclargido, lis orle de bos e tambèn li prado à rousèu (megafourbié), majamen dins lis Aup Marino. Se recounèis eisadamen qu'èi la souleto à faire de flour jauno. Li fueio, en couor, dounon d'èr à li de l'erbo-de-l'aiet (Allaria petiolata). Sènso èstre sus listo roujo, la planto es aparado en Prouvènço.

Usanço :
Couneissèn pas d'usanço particuliero pèr aquelo planto. Poudèn pensa, que coume lis àutris erbo-dis-escrolo es empouisounanto. Escriéure au site se n'en sabès mai.